「莎莎婦女銀袋日」主題精品將於十一月三日在沙田馬場公眾席平台廣場及會員席銷售處公開發售；部分精品將於LEVADE及香港賽馬博物館限量發售。貨品數量有限，售完即止。
婦女銀袋賽今年繼續由賣化妝品賣到上市嘅Sa Sa贊助，老闆郭少明同太太郭羅桂珍作為主人家，有「牽動美麗」同「美好人生」撐場無可厚非。另一方面，「利多」系信和黃志祥一家都夠晒神心，佢太太楊素瓊有「勁利多」，兩位千金Jeanne、敏儀同Nikki敏華又有「加利多」、「連利多」。
而喺主題賽事婦女銀袋賽中，除咗有上述「連利多」外，女性勢力尚有Connie蕭劍瑩「卡達聖」、Ada王賢敏「安賞」、Kathy羅太隻「四季」同場，到時是但一位贏咗，都咪話唔應景！至於同日嘅女馬主，睇牌面當然係剛以頂班時速贏馬Lyraa伍燕梅隻「萬事盛」；Linda蘇凱欣隻「同個夢想」剛剛亦坐正，今日好大餐士入多一粒；仲有「先生」系嘅千金Kathleen史佩加隻「好加加」，同朱寶兒隻「雅寶」同場，假如一Q返絕對係揭開美麗序幕，再加埋尾場由美人李嘉欣隻「貳寶」贏馬謝幕，你話幾圓滿！究竟聽日一班 Lady 有冇得發圍，大家拭目以待。
