民怨火藥庫

港大民研民情指數跌至20年新低，不少政界人士、甚至公務員非但不感意外，更預期「低處未算低」，因特區政府在2014年將面對更多極具爭議政改及民生「炸彈」，再加上明年7.1遊行及佔領中環行動，形容明年是「火藥庫年」，一旦民怨全面爆發，恐怕政府難收拾殘局。

有公務員私下稱，免費電視發牌風波對特首及特區政府打擊，遠較建制甚至中央評估深遠，「當連我哋（公務員）內部、甚至自己親朋戚友都質疑政府，就知件事打擊有幾大」。而由今年底到整個2014年，均有大量政治、民生議題「炸彈」待處理：「年底有無綫、亞視續牌，明年又有政改上馬，市民等咗兩年，開始要政府喺民生政策交功課，仲有元旦、7.1遊行同埋佔領中環，經濟前景又唔明朗，萬一經濟逆轉就大鑊。」不少政界人士及公務員均形容明年如「火藥庫」，「好多議題都可以引發民怨全面爆發」，可是政府手上「拆彈」本錢所剩無幾，「政改唔到香港話事，民意支持越嚟越低，政府做乜都冇人撐；剩番個施政報告，但派完錢之後就無以為繼，只有捱打」。

另一政界人士亦指，建制派經過免費電視一役，已開始「明哲保身」：「就算中聯辦叫佢哋撐，都唔撐到咁盡，因為2015年就要選區議會，始終選票緊要。」