酒樓將我個蛋糕當壽包拎左去蒸

第一次係openrice寫食評既然要寫俾呢間不知所謂的酒樓!
昨晚到此酒家食晚飯慶祝我婆婆生日, 本人親手用左大半日時間, 整左個壽桃蛋糕俾婆婆慶生...
一去到酒樓, 我就將蛋糕交左俾一個侍應阿姐, 叫佢幫我雪住個蛋糕...
直到我地食完主菜, 打算叫侍應拿出蛋糕時, 佢地搵左好耐, 都話冇keep過個蛋糕...
我心情極度慌張, 怕蛋糕會俾其他食客食左...
點知, 就發生左一件俾食客誤食更慘痛既情況出現左...
佢地竟然話我知, 將我個蛋糕拎左去蒸, 佢仲話我個蛋糕唔係蛋糕, 係壽包!!
我真係嬲到冇辦法形容我當時既心情, 只可以當場痛哭!!
我真係好想問佢地, 如果我個蛋糕係魚形, 咁佢地係咪會拎去煎黎食??
我真係未試過食飯會食到咁嬲, 咁唔開心...
以後我都唔想再踏足呢間酒樓半步!!!!