超蓮東華唱歌

關菊英﹑陳凱琳﹑許亦妮﹑龔嘉欣﹑沈卓盈﹑莊思敏﹑朱千雪﹑陳庭欣﹑楊盼盼﹑周志文﹑周志康﹑黃心穎﹑朱慧敏等，今日喺尖沙咀出席《歡樂滿東華2013》記者會，同是身為東華主席嘅賭王三太陳婉珍，以及二房女兒何超蕸，亦現身支持，而三太三個仔女何超雲、超蓮及孖生弟弟猷啟，以及超蓮緋聞男友吳克群，當晚亦有表演環節。

監製何小慧被問到點解主持人名單上，冇陳百祥（阿叻）嗰名，佢就解釋阿叻唔係每年會做，並非擔心被網民噓爆。咁擔唔擔心收視？何小慧話：「呢啲嘢冇得驚平常心，盡力做。」佢又透露超蓮同吳克群分別喺當晚唱歌，而超雲就整蛋糕﹑猷啟就表演游水，其中超蓮、超雲及猷啟嘅項目，希望可籌到100萬。

咁超蓮會唱乜嘢歌？需唔需要吳克羣指導？三太助手代答：「唔知，等佢返嚟先。」

另外，身為總理嘅王賢誌曾指無綫唔畀佢當晚表演，何小慧解釋：「因為佢喺now主持節目，唔同公司如果上台會有尷尬，不過講嘢移交支票冇問題，已經同佢解釋咗。」