藝人區文詩(Angela）和陳彥行日前為節目《出軌UNFAITHFUL》錄影時談及一夜情，Angela表示不抗拒一夜情，並自爆曾有幾段關係都是由一夜情開始，而其後雙方亦認真對待這段關係。
行姐認有公主病
Angela大方地表示「遇過最好的一夜情」對象就是現任男朋友：「雖然我哋喺夜場認識，但係佢朝早起身之後竟然幫我摺衫，仲唔想離開，所以一夜情其實唔係大家所諗咁淨係掛住攞着數，同埋好難有長遠發展」。
而行姐對「先性後愛」的關係表示極度反感：「如果兩個人只得床上溝通，思想同心靈上都零交流嘅話，我會覺得自己係妓女。」她又坦承有「公主病」:「我係一個有自知之明嘅港女，會發小姐脾氣同埋唔受得氣，如果愛我就要就晒我，所以我唔可以同大男人一齊。」
